Аляксей Протас выдаў сапраўдны шэдэўр у матчы супраць «Анахайма», аформіўшы свой першы хет-трык у НХЛ і дапамогшы «Вашынгтону» перамагчы з лікам 7:4.

Пасля 64 гульняў у яго ўжо 58 (28+30) ачкоў, і ён зусім блізкі да рэкорду Беларусі па выніковасці ў адным сезоне НХЛ.

Асабліва сімвалічным стаў яго трэці гол: Александр Авечкін, які на адлегласці дзевяці шайб ад рэкорду Уэйна Грэцкі, замест кідка аддаў пас Протасу. «Я проста ўлавіў вочны кантакт з “Ові”. Калі ў яго на носе гістарычны дасягненне, а ён усё роўна робіць гэты пас і радуецца за мяне – гэта ўсё, што трэба ведаць пра яго як пра каманднага гульца», – сказаў Протас.

Гэты хет-трык стаў усяго толькі шостым у гісторыі НХЛ, аформленым беларусамі ў рэгулярным чэмпіянаце:
1️⃣ Андрэй Касціцын: 27 снежня 2008 года. «Пітсбург»-«Манрэаль» (2:3)
2️⃣ Сяргей Касціцын: 1 студзеня 2012 года. «Нэшвіл»-«Калгары» (5:3)
3️⃣ Міхаіл Грабоўскі: 1 кастрычніка 2013 года. «Чыкага»-«Вашынгтон» (6:4)
4️⃣ Ягор Шарангович: 2 красавіка 2022 года. «Нью-Джэрсі»-«Фларыда» (6:7)
5️⃣ Ягор Шаранговіч: 11 студзеня 2024 года. «Арызона»-«Калгары» (2:6)
6️⃣ Аляксей Протас: 12 сакавіка 2025 года. «Анахайм»-«Вашынгтон» (4:7)

«Вашынгтон» працягвае барацьбу за плэй-оф, a Протас становіцца ўсё больш важнай фігурай у камандзе.

Дарэчы, Алексей, выхадзец з Віцебска, прызнаўся, што ніколі яшчэ не быў у музеі Марка Шагала, але летам плануе гэта выправіць. Хто ведае – можа, ён завітае туды з Кубкам Стэнлі ў руках.